梁漢文早前一張和譚詠麟和現任葵青警區指揮官謝振中踢完波影的合照引起關注,不少網民在他的Instagram留言說失望、再見,亦有人鬧爆。估不到梁漢文卻按奈不住加入戰團,和網民互罵契弟。之後亦有網民說只說了句「失望」就被block,不過梁漢文又回覆說:「我無delete過任何人喎。」
首先有網民留言:「抵你條契弟成世都唱唔紅。」之後梁漢文亦稱網民為契弟回覆:「希望將來有一首歌可以感動到你呢位契弟。」再來另一位網民又留言:「做人冇公關,食屎㗎喇。」梁漢文又奇妙回:「我咪就係『關公』囉。」
而且亦有網民自稱只說失望就被block:「我只係講咗一句失望,我好想知點解你都要封鎖我呢?如果我留言係鬧你嘅話,你封鎖我係正常啦。」不過梁漢文就指自己沒有Block人:「我無delete過任何人喎,我喺一個樂意接受不同意見的人,只是不要太無理地攻擊性就可以。」