藝人林夏薇（薇薇）在電視城為劇集《七公主》開工，她透露要連續拍十日，戲份都比較重，而且情緒起伏大，連聲音都有點沙啞，她說：「最後幾日係要好崩潰，個景會畀我破壞，仲要聲嘶力竭，喊到冧人同冧樓。如果完成咗對我係好大挑戰，逐一擊破。」
她自言之前拍了另一場要除衫攬着徐榮的戲份，連化妝師看完都話她搏命，問到拍攝當日有否清場？她說：「冇清場，工作好專注，投入咗個角色入面，場戲唔係色情，而係好感動。我有做足防走光措施，因為怕走光影響感情戲。（有冇同老公備案？）我拍完有畀張相佢睇，佢話我黐線，畀呢啲佢睇，因為張相係我唔着衫攬住第二個。我每次拍親熱戲都會迫佢睇，有時睇電視，佢會行開唔睇，但我要佢睇番。我冇理佢感受，哈哈！（佢會唔會呷醋？）唔會，佢好支持我工作。」
她又指因爲要投入角色，故開工時跟丈夫分房睡：「因為我嘅戲好沉重，加上我拍到朝早先返到屋企，唔想影響佢嘅睡眠，我有時拍到情緒起伏好大，大家唔好太近都係好事，否則影響角色塑造。」她指不用開工時會多陪丈夫以作調節。
東網網站 : https://on.cc/
東網Facebook專頁 : https://www.facebook.com/onccnews/
