傅嘉莉(右)取代李君妍?
傅嘉莉(右)取代李君妍?
傅嘉莉之前已不時做《姊妹淘》嘉賓!
傅嘉莉之前已不時做《姊妹淘》嘉賓!
佢喺IG公布加入節目消息!
佢喺IG公布加入節目消息!
傅嘉莉IG
傅嘉莉IG
兩人曾一同合拍劇集《特技人》。
兩人曾一同合拍劇集《特技人》。
隻腳一定掂到地呀!
隻腳一定掂到地呀!
傅嘉莉開工啦!
傅嘉莉開工啦!
傅嘉莉原來係自我隔離完出關。
傅嘉莉原來係自我隔離完出關。
吳若希因為有小朋友關係,安全起見暫時唔使錄影節目。
吳若希因為有小朋友關係,安全起見暫時唔使錄影節目。
孫慧雪同蔡嘉欣嗰日同過李君妍開工,所以要自我隔離。
孫慧雪同蔡嘉欣嗰日同過李君妍開工,所以要自我隔離。
莊思敏都喺度。
莊思敏都喺度。

無綫藝人李君妍原本作為《姊妹淘》新血,但因同住家姐確診新冠肺炎令佢工作叫停,而佢都已經入住檢疫中心隔離。另邊廂,曾一同合拍劇集《特技人》嘅傅嘉莉(Kelly)就喺Instagram公布加入節目:「聽日開始會另外一個新挑戰 我會首次升呢做《姊妹淘》主持 已經緊張咗兩星期,你哋會唔會支持我呀?#model時候開始做嘉賓」

有網民就猜測會唔會取代李君妍?而唔少留言都舉腳贊成佢加入,大讚佢有長腿,笑言坐上「蠱惑的櫈」後,一定唔會掂唔到地呀!

傅嘉莉今日喺將軍澳電視城為節目《姊妹淘》擔任主持。近日主持之嘅孫慧雪同蔡嘉欣要自我隔離,而原本有開工嘅蔡嘉欣就取消咗通告。

問到首日開工嘅傅嘉莉係咪頂替蔡嘉欣?佢話:「唔係,我兩個星期之前已經錄影第一集,但係因為配音嘅時候,有個公司同事出現疑似嘅病徵,所以我都自我隔離,好彩個同事最尾都冇事。不過,節目都會多咗出鏡,因為有疑似個案,監製為安全起見都安排咗有小朋友嘅主持好似孫慧雪、吳若希唔使拍節目住,同埋有小朋友嘅嘉賓楊潮凱都換咗人。」

問到開工會唔會擔心「中招」?佢話:「廠同辦公室都消毒咗,同事之間都有人發起團購新冠肺炎嘅快速院檢查盒,萬一有疑似個案都可以自己喺屋企做檢測先。」首次擔任節目主持嘅傅嘉莉,透露十幾年前做模特兒嗰陣,已經為節目擔任嘉賓,依家到自己做主持,好在有呢個節目始祖莊思敏傍住,都比較放心。

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言