近排香港嘅疫情又再變得緊張,就算大熱天時出街,大家依然要繼續戴口罩,不過如此高溫卻分分鐘會焗到中暑,究竟有冇折衷辦法呢?位於日本三重縣志摩市嘅Flat Bit Studio,啱啱就推出咗新世代口罩「立體透明Etiquette Mask GH05T」,便可將戴口罩嘅悶焗及難受大大減低!簡單講,呢款口罩就係喺你嘅鼻及口前方放置了一塊透明塑膠隔板,藉以阻隔飛沫,由於採用立體設計,基本上口罩完全不貼面,自然唔會有抖唔到氣嘅悶焗感覺,就連用飲管喝飲料亦不用除罩,確係夠爽!重量只有4g,相當輕巧,而且可以用一般清潔劑清洗重複使用,夠晒環保。加上透明設計讓人可看清楚表情,對於從事服務業嘅朋友可謂相當合適。每個售1,000日圓(耳繩需另外購買),即日起可於Flat Bit Studio官網入貨。
網址:https://neup01y.com
東網網站 : https://on.cc/
東網Facebook專頁 : https://www.facebook.com/onccnews/