雜誌《幼稚園》5月號會隨書附送NTT東日本公眾電話嘅紙製模型,超高像真度成功喺網上掀起話題!(互聯網)
雜誌《幼稚園》5月號會隨書附送NTT東日本公眾電話嘅紙製模型,超高像真度成功喺網上掀起話題!(互聯網)
數字按鈕使用塑膠製造,手感一流。(互聯網)
數字按鈕使用塑膠製造,手感一流。(互聯網)
當掛起電話筒時,插入嘅電話卡更識得彈出,好有Feel啊!(互聯網)
當掛起電話筒時,插入嘅電話卡更識得彈出,好有Feel啊!(互聯網)
當然設有投幣口,讓大家投入硬幣過過手癮。(互聯網)
當然設有投幣口,讓大家投入硬幣過過手癮。(互聯網)
日本今時今日依然隨處搵到公眾電話。(互聯網)
日本今時今日依然隨處搵到公眾電話。(互聯網)

曾幾何時,公眾電話係生活中不可或缺嘅存在,不過日轉星移,今時今日人人都有手提電話,出街想搵部公眾電話可謂難度超高!反觀日本依然設有好多公眾電話,當中NTT東日本嘅綠色公眾電話MC-3P,更係深印哈日迷嘅腦海當中。而出版社小學館以小朋友對象嘅雜誌《幼稚園》,即將於4月1日推出嘅5月號隨書附送呢款電話嘅紙製模型,讓有興趣嘅朋友可以好好收藏!

據知呢款電話係雜誌跟NTT東日本.NTT西日本嘅聯乘出品,高約30cm,而數字按鈕採用塑膠製成,組裝過程難度一般,約需1小時便能砌好,完成後驟眼睇像真度相當高。而模型會附送一張紙製電話卡及硬幣,讓大家可以過足模擬打電話嘅過程。當中最精彩係當掛起電話筒時,插入嘅電話卡更識得彈出,十分精細。而該雜誌編輯大泉高志表示,希望日後遇上災害等情況時就算無手提電話喺身,透過呢款模型小朋友會識得使用公眾電話搵幫手,諗落相當富教育意義!對於呢件贈品,網上反應超級熱烈,有買趁手!《幼稚園》每本售990日圓。

網址:https://sho.jp/youchien/49347

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言