抗疫期間，就算香港日日超過攝氏30度，大家還是口罩不離身！但大熱天時出街仲要戴住口罩，隨時會有焗暈嘅風險！與此同時，於戶外想飲啖水，要搵位擺放除低嘅口罩，同樣令人感到十分麻煩。不過，如此這般嘅口罩煩惱即將可告一段落，事關位於日本福井縣鯖江市專門製造及售賣眼鏡框、眼鏡配飾嘅株式會社SUNREEVE，即將於6月下旬推出名為MASQ嘅口罩專用吊繩，當堂將問題迎刃而解！所謂口罩吊繩，簡單講就係將眼鏡吊繩改良而成，吊繩兩端改造成小夾子來夾住口罩帶，當除下口罩後，便可懸空吊住，大大減少口罩收藏或擺放嘅麻煩及衞生層面上嘅風險。擁有此吊繩後，喺人少嘅戶外地方大家可以隨時將口罩除下抖抖氣，待人多時再次戴上。另外，於餐廳用餐時亦唔使將口罩放上枱面，確係相當方便好用。口罩吊繩售價約為600至800日圓，可於樂天或Yahoo!嘅官方網店OPTIC STORE GLASS GARDEN購買。
網址：https://www.sunreeve.jp/topics/detail.php?id=203
東網網站 : https://on.cc/
東網Facebook專頁 : https://www.facebook.com/onccnews/