希望哥哥在另一個國度都可以繼續快樂。
希望哥哥在另一個國度都可以繼續快樂。
湯寶如微博
湯寶如微博
陳敏之製作了一段短片講同哥哥相識經過。
陳敏之製作了一段短片講同哥哥相識經過。
每年4月1日,敏之都好傷感,因為佢好掛念哥哥。
每年4月1日,敏之都好傷感,因為佢好掛念哥哥。
自小哥哥就係敏之偶像。
自小哥哥就係敏之偶像。
佢聽哥哥嘅歌長大。
佢聽哥哥嘅歌長大。
佢仲記得當時哥哥捉住佢手仔嘅感覺。
佢仲記得當時哥哥捉住佢手仔嘅感覺。
周慧敏都為哥哥整了一條影片懷念哥哥。
周慧敏都為哥哥整了一條影片懷念哥哥。
袁詠儀微博
袁詠儀微博

今日係張國榮(哥哥)逝世17年,因為新冠疫情肆虐,所以好多悼念活動都取消,但哥哥生前的好友都冇忘記過呢位巨星,其中曾經同哥哥合作過一次的陳敏之就拍片講述同哥哥相識經過,而呢一次都係佢最後一次見到哥哥,但已經教她畢生難忘。

佢拍片話:「4月1日好傷感同掛念一個人,就係哥哥張國榮,哥哥有一種好迷人嘅魅力,好Cool嘅感覺,但其實佢氣場好勁,但係當佢同我講第一句說話嘅時候,我就覺得佢係一個平易近人冇架子嘅巨星,其實哥哥係我嘅偶像,我細細個係聽住哥哥嘅歌大,佢係我最喜愛嘅男歌手,直至到依家都係,我記得最深刻一次就係同佢合作,呢一次合作亦都係最後一次見到哥哥,好榮幸可以參與到哥哥一首歌嘅MV,歌名叫《怨男》,我記得係要將隻手去觸摸哥哥嘅心口,我係好驚,跟住哥哥叫我唔使驚,佢捉住我隻手教我點樣做,呢個感覺到依家仲記得,最後敏之想同哥哥講,希望你係另一個國度,都生活得好好,We love you。」

而哥哥好友周慧敏為哥哥整了一條影片,但一直想不到用甚麼背景音樂,她寫道:「《如果你知我苦衷》、《追》、《明星》、《風繼續吹》……不,應該是純音樂更合適,Dear Leslie,You’re forever in my heart!Vivian.」

另外,湯寶如都有悼念哥哥,她寫上:「永遠懷念」,而曾與哥哥合作電影我袁詠儀每年都有悼念,她寫上:「當我見到天上星星,總會想起你」

東網網站 : https://on.cc/

東網Facebook專頁 : https://www.facebook.com/onccnews/

Comment 0