一直都認為最無敵既睇日出地點必須具備以下條件:

天青海澄，銀白雪景
露天溫泉，愛人抱住
左手斟酌，另一隻手也不閒著

但以上所有野今次都係無ga!!!~~~~
唔緊要! 所謂打邊爐最緊要有個爐，睇日出就最緊要有個咸蛋黃je!
儘管種種要求打個兩折扣返80%，係呢間旅館浸住溫泉睇既日出依然係咁靚!

日本九月微涼的清晨，赤身泡在溫熱的泉水中，靜看太陽由雨晴海岸線上緩緩升起，金光穿透雲層，閃亮了湛藍的大海……面對如絲美景，佛都會動心啦

浸住溫泉睇日出真係最高享受!

Ee點解阿鋒你個背影阿叔左咁ge?
無錯，果個就係近期好興既part-time大叔!
………………………………………………..
講笑je~~~~~~
睇日出係講運氣ga ma，我咁好運就唔係黑仔王啦!
事實係同阿哥5點幾爬起身，由天黑浸到天亮成粒鐘都係黑嗎嗎叢雲密佈得個吉!

好在呢個露天溫泉溫度岩岩好，唔會太熱唔會太凍，係大約36-38度最舒服既狀態，真係浸到甩皮都唔覺得辛苦~

唔辛苦je，齋坐都悶ga，見雲層又厚天又光哂咪沖身走人law，鬼知呢個時候阿太生先肯露個頭出lai je!

唔想再浸啦! 快手出去影兩張走人啦!
放心，無乜人浸，問埋阿叔佢唔介意的!

好彩遮得住!

好啦，講左咁耐，呢間究竟係咩旅館呀?

「氷見温泉郷くつろぎの宿うみあかり」，位於日本北陸富山縣同石川縣交界的冰見市北部的，再向北10分鐘車程就已經係能登半島範圍了

個名全日文我真係識鬼讀，有少少名不經傳，起碼果d咩咩日本10大20大日出溫泉旅館完全無佢份，能登半島的著名住宿亦未輪到佢，我純粹係JR閘口果D旅遊資訊見到張宣傳照好掂就book ga ja!
咁事實上呢個溫泉呢個view係真係掂wor!
素泊每人約8600yen係有d貴，但住日出海景房+館內有溫泉有專車接送，性價比非常不俗啦!!

講開專車，不能不讚旅館非常貼心~

係Jalan訂房時，我個plan寫明無車接送，所以一出JR冰見站已經諗住坐的士，點知阿哥無意中一句「wei車站阿叔舉住果個牌logo好似係我地間酒店，試下問我地有無得白撞搭單上車?」
一問之下，豈止搭單，原來係一早已list上有名!
我話我地無except咁早返旅館想去冰見番屋街行下先，友善既老人家司機就主動話可以車我地去，1個鐘後返lai再接我地都得!
即係孖鐘連代資都係3百8，仲送埋餐蛋麵，去邊度搵ar?~
真係笑容最可親，服務夠殷勤! 要比個like佢地既接送服務!

至於缺點，都唔係話無ge

首先就係房間及走廊有點殘舊，不過都幾乾淨~

最大問題反而係方圓百里都無野食law!

旅館餐廳只提供食物比選擇「一泊二食」的住客，完全walk-in不能
唔緊要~ 呢個係日本人既習慣，但網上寫既free拉麵呢?

「思呢媽些，無左lu」
Free軟雪榚呢? 「思呢媽些，無哂啦」
咁杯麵既自動售賣機呢? 「思呢媽些，都無呀」
咁我地有咩食呀?
「思呢媽些，真係無呀」
……………………………………………………..
妳再媽我就媽妳媽媽ga la…………
即係「素泊」其實係一個大伏lai 囉…………..
交涉左一大輪，最後係前台夾硬叫廚房做多兩人份量既溫泉套餐出lai，索價共12,000yen，足足係房價既2/3………
但最近既食肆都要坐廿分鐘的士，來回+食埋個價位都差不多…….唉無計啦，硬食扣體力…….
好在d食物都幾好味，算佢啦!