何啟明(紅衣)同義工落區搬番啲磚同雜物返上行人路。(互聯網)
何啟明(紅衣)同義工落區搬番啲磚同雜物返上行人路。(互聯網)

前日(24日)觀塘有示威遊行,部分人偏離遊行路線行咗去九龍灣,仲演變成衝突,期間示威者又掟磚,又拆欄杆,有啲人仲鋸咗個燈柱落嚟。事隔一日,身兼觀塘區議員嘅立法會議員何啟明翌日(25日)竟然仲落去搬磚?

係就係搬磚,不過今次佢係幫手執返乾淨條馬路,唔係拎嚟掟。佢喺社交平台上傳咗幾張相,係同一眾義工去九龍灣清理街道,幫手清理磚頭、告示牌、欄杆等障礙物,話係想恢復原社區原貌。

何啟明話落區之前,政府已經清理咗現場大部分嘅障礙物,但仲有唔少磚留喺馬路上面,由於嗰條街車速可達70公里,若果有車輾過磚頭同雜物,好易反車,亦可能捲起磚頭飛向途人,好危險,所以就落街將啲磚頭同雜物執返上行人路,佢仲幫手將欄杆同告示牌用索帶紮起,方便食環署日後處理。

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言