香港眾志公布籌備平台成立和罷課計劃詳情,被質疑是搞大台。
香港眾志公布籌備平台成立和罷課計劃詳情,被質疑是搞大台。
雙學在佔領行動前夕發起罷課,黃之鋒為其中一個旗手。
雙學在佔領行動前夕發起罷課,黃之鋒為其中一個旗手。
鄭家朗(前右)日前宣布成立籌備罷課平台。
鄭家朗(前右)日前宣布成立籌備罷課平台。

反修例嘅遊行示威持續,香港眾志聯同中學生反修例關注組及青年反修例關注組組成「中學生罷課籌備平台」(「籌備平台」),日前仲公布咗9月罷課計劃詳情,旋即引發內訌,惹起其他學生組織不滿,批評眾志自把自為、目中無人,又質疑眾志想搞大台,有學生組織聲言拒絕被代表,要求眾志暫緩本身嘅罷課計劃。

喺2014年違法佔領行動前夕,當年統稱「雙學」嘅學聯同學民思潮曾發起罷課,當時其中一個旗手就係眾志秘書長黃之鋒,眾志亦有份搞今次罷課,眾志嘅副主席鄭家朗日前亦宣布「籌備平台」成立同公布罷課計劃詳情,而主張港獨嘅學生組織學生動源今日就喺社交網站貼文,劈頭就話「拒絕被代表!拒絕大台!拒絕被計劃!強烈要求香港眾志為首罷課平台釋出誠意與各大罷課團體協調罷課」。

學生動源喺貼文批評,有關罷課平台聯絡其他發起罷課嘅團體商討合作一直缺乏誠意,而喺聯絡嘅過程中,甚至令個別嘅學生組織猜想係咪有學生動源參與其中嘅罷課聯盟,就唔會被聯絡商討合作。對於有關罷課平台日前召開記者會聲稱有9成中學生支持罷課,學生動源指有關數據只係平台嘅問卷結果,亦未與其他罷課組織整合數據,欠缺真實性,又指有關罷課平台喺記者會上自行宣布罷課計劃,事前並無同其他任何罷課團體商討,批評有關做法目中無人,引起唔少學生質疑相關組織係咪希望構建大台,強行要求支持罷課嘅學生支持佢哋。

貼文中又指現時已有香港學生罷課聯盟、全港大罷課、大專學界將會發起罷課,香港學生罷課聯盟已明確表明,眾志有關嘅計劃並唔能夠代表學生嘅意願,指眾志作為一個普通政治團體,喺罷課上理應作為支援嘅角色,而唔係反其道而行、自把自為,無視其餘罷課團體自行公布罷課計劃,企圖構建大台,故要求眾志暫緩本身嘅計劃,釋出善意同各大罷課團體商討罷課事宜。

老實講,眾志早前喺社交網站話做問卷調查,醞釀搞罷課時,有網民就留言話「小心眾志想立大台」,憂慮會摧毀依家嘅「無大台」文化,質疑眾志會否利用呢個機會排除他黨,甚或引發非建制內訌。有人更戲謔「成也之鋒,敗也之鋒」,勢估唔到呢啲質疑變成事實,未搞得成罷課,學生組織就內訌,唔知黃之鋒點擺得平?

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言