放棄一頭烏黑長直髮 　林依晨開心晒清爽短髮look

有「零負評女神」之稱嘅林依晨，出道20年以來多數以一頭烏黑長直髮示人，更因此成為洗髮水代言人，雖然依晨都試過剪過短髮，但長髮形象依然深入民心。不過，日前依晨又再「變髮」，將一頭及腰長髮剪咗足足三分二，淨番短到耳仔下幾吋頭髮，睇佢整完頭髮後個開心樣，好似好滿意自己呢個清爽短髮造型，但依晨未有特別交待今次剪髮係為咗角色轉造型，定係純粹自己想換個look。