無綫旅遊節目《3日2夜》一班身材有料的女主持胡美貽、何泳芍（Honey）、彭慧中、曾淑雅（Jumbo）、陳詩欣和鄧伊婷等，齊集電視城4廠，為慈善節目做Pilates（普拉提）運動籌款，由Jumbo帶領下，個個瞓在瑜伽墊上，用雙腿夾波，一班靚女俯身做運動，拋波䇄籮，相當吸睛，其中陳詩欣拋胸、胡美貽挺胸、鄧伊婷晒腰肢，網民捐錢踴躍，不過就以數十元為多，主持森美和余德丞亦不停呼籲，其中有位小朋友捐23元要求余德丞玩Pilates，但他夾波做普拉提運動開頭好輕鬆，點知最後條褲太窄搞到差啲爆呔而失敗，及後森美肉緊叫人捐錢，卻差啲講錯嘢，他說：「你哋想個鏡頭Hold住係邊個人度，只要捐款，個鏡頭淨係去佢嗰度，不過影人可以，唔可以影部位。」當中各位索女平時都有練開都做得好輕鬆，唯獨陳詩欣不時失手搞到心口洩春光現巨胸！
東網網站 : https://on.cc/
東網Facebook專頁 : https://www.facebook.com/onccnews/
