岑珈其求婚成功 拍拖五年：我會畀心機努力搵錢

30歲的岑珈其近日有多套ViuTV劇集連環開播，包括《地產仔》、《廿月二九》、《教束》都有話題。而今朝(15日)他更在IG分享已經向圈外女友求婚成功，相片中見女友收花嘟嘴合照又戴上求婚戒指，超Sweet！

岑珈其留言說：「She said yes💍❤️☺️感謝你呢五年嘅愛同照顧，原諒我無好浪漫嘅驚喜、好靚嘅鮮花、好名貴嘅戒指畀你，但我會畀心機努力搵錢，同時都會畀多啲時間陪你，希望可以畀更好嘅生活你，一直帶畀你幸福、開心快樂💕」而孫慧雪以及SuperGirls的Yanny都有火速留言恭喜。