台灣女星徐熙娣（小S）快將踏入42歲，作為三女之母嘅佢向來身形弗爆，平日最愛跳zumba消脂，真係想肥都難。但係最近有網友發現小S似乎失守，唔單止「整個臉崩塌」，仲話發福到似台灣天后張惠妹！
小S為代言品牌拍攝嘅宣傳短片近日曝光，片中佢以黑色低胸西裝上陣，未知係咪佢嘅髮型影響，臉部可見圓潤咗，輪廓的確冇昔日咁明顯。小S與拍檔蔡康永主持嘅綜藝節目《花花萬物2》因疫情影響暫時停播，停工兩個月嘅佢宅在家陪女兒，難免大吃大喝，體重由45kg升至49kg。不過喺老公鼓勵下，小S努力收身兼戒酒，依家體重返回46kg，日前與老公及好友吳玟萱聚會，見得佢下巴尖尖，狀態甚佳，估計宣傳片係之前拍落。
東網網站 : https://on.cc/
東網Facebook專頁 : https://www.facebook.com/onccnews/
