唔好睇少剪接嘅威力,真係隨時好人變壞人…
唔好睇少剪接嘅威力,真係隨時好人變壞人…
網友眼明手快,一早就摩打手Cap圖。
網友眼明手快,一早就摩打手Cap圖。
林媽媽今次都算無辜喇…
林媽媽今次都算無辜喇…
奶奶同新抱嘅婆媳糾紛,網友食晒花生。
奶奶同新抱嘅婆媳糾紛,網友食晒花生。
第一集陳若儀已經喊晒口,我見猶憐!
第一集陳若儀已經喊晒口,我見猶憐!
林志穎發文內容似有弦外之音…
林志穎發文內容似有弦外之音…
過咗咁耐,大仔Kimi個樣終於曝光。
過咗咁耐,大仔Kimi個樣終於曝光。
都仲係咁Cute Cute!
都仲係咁Cute Cute!

台灣男星林志穎最近帶埋老婆陳若儀(Kelly)及媽媽拍攝大陸真人騷《婆婆與媽媽》,節目剛播出街就見陳若儀聲淚俱下指自己壓力大,曾被網友喪鬧醜樣,加上節目又加插林媽媽當住鏡頭指摘佢等,搞到大家都戥陳若儀陰功!

節目第一集林媽媽就已經喺鏡頭前指摘兒媳陳若儀衣着暴露,要求嚴格,最新一集更管埋陳若儀拖地方式,之後陳若琳想休息,結果林媽媽話:「你要先吃鳳梨還是先擦窗戶?」嚇到陳若琳即刻抹窗,後尾林媽媽更唔畀阿仔幫老婆手添!

不過有網友就發現林志穎原來最近公開點讚一個社交網帳號發文,該帳號指節目組為博眼球,故意將林媽媽與陳若儀相處片段剪輯成尷尬場面,不過隨後林志穎極速Unlike。到咗今日,林志穎直頭發文力撐媽咪,表示每個父母親對孩子絕對都是滿滿的愛與呵護,而節目有佢呈現畀觀眾嘅方式,自己好愛自己媽媽同妻子:「我們互相疼惜,珍惜每次的相處!」言語間暗指節目組亂剪接,影響外界對佢媽媽嘅觀感。

另外,林志穎近年努力保護大仔Kimi,唔畀佢大個仔嘅容貌曝光,不過今次節目就有「穿崩位」,林志穎、陳若儀同Kimi喺房中傾偈一幕,就意外影埋10歲嘅Kimi真樣。

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言