夾公仔機一向都令人又愛又恨,當你夾唔到會好嬲嬲豬,但係一夾到心愛嘅公仔時,嗰種開心真係非筆墨所能形容,好似藝人蔡少芬咁興奮到變咗大細佬。呢日蔡少芬同老公張晉去夾公仔,老公全程做攝影師,幫老婆拍晒成個夾公仔嘅過程,佢喺社交平台上載咗一段片,當中見蔡少芬好專注夾公仔,而且一take過,夾一次就夾到佢嘅心頭好,開心到不停大叫,之後仲同老公嚟個擊掌,見到佢咁開心,就算平時生活有咩壓力,夾公仔都可以好自娛同減壓,蔡少芬仲好張囂咁話:「我是傳說中的高手高手高高手!」
東網網站 : https://on.cc/
東網Facebook專頁 : https://www.facebook.com/onccnews/