39歲安以軒上月宣布懷有第二胎，今日佢忽然喺社交網上載家中監視器畫面，指半個月前佢被快餐店外帶杯燙傷經過，指當天家人幫佢去快餐店取餐，佢喺拎熱飲出嚟時因紙袋破裂，被近100度沖泡嘅熱飲燙傷大腿及孕肚，大腿內側留疤，更因受驚致宮縮入院！
安以軒指當時佢有身孕行動不便，又怕地上濕滑跌倒，都唔敢大動作跳開，不過幸好當時身邊有家人陪伴，先可以做沖水等急救措施，亦慶幸當時1歲囝囝沒在懷中，否則連囝囝都被燙傷！佢續指：「更加萬幸的是肚子裏的寶寶因我驚嚇造成宮縮並有異常胎動，趕去醫院檢查後無大礙，但若是其他人在別的地方遭遇這種事，後果不堪設想。」
安以軒呼籲快餐店需更重視外賣熱飲嘅安全，又提醒大家外賣熱飲時，要提醒店主妥善安全包裝。
東網網站 : https://on.cc/
東網Facebook專頁 : https://www.facebook.com/onccnews/
