「阿嬌」鍾欣潼今年5月突然爆出與台灣「醫界王陽明」賴弘國離婚，結束短短14個月婚姻。兩人都已經重新出發，賴弘國亦專注佢嘅醫學美容事業，有指回復單身嘅佢喺5月28日31歲生日期間，前後豪擲約830萬新台幣（約221萬港元）買禮物畀自己，回復單身即變大花筒！
佢分別以約550萬新台幣（約147萬港元）向朋友購入二手名車、200萬新台幣（約53萬港元）買名牌服飾及兩幅近80萬新台幣（約21萬港元）嘅畫！有佢嘅朋友話：「他一年多沒買過一件衣服給自己，而且在他的經濟能力範圍，也算彌補自己吧！」
有指賴弘國當時係因為阿嬌名氣開咗間診所，收入大增，又以「阿嬌老公」名義參加唔少大陸商業活動。最近更同徐熙媛（大S）老公汪小菲愈玩愈埋，有傳大S賣走千萬豪宅係因為汪小菲想投資到賴弘國嘅事業。而賴弘國為咗到大陸合作嘅診所協助診治，無懼疫情日前飛到上海，現正隔離中！
東網網站 : https://on.cc/
東網Facebook專頁 : https://www.facebook.com/onccnews/
