唐詩詠原來有一個不快的童年!
唐詩詠原來有一個不快的童年!
以畫為喻!
以畫為喻!
最緊要活在當下~
最緊要活在當下~

藝人唐詩詠到大館參與藝術展,與戲劇老師甄詠蓓齊齊受訪,她透露此是老師籌備一年的project,以「迷失的小孩」為主題,透過藝術形式表達自身故事,其中詩詠就找得插畫師畫畫,以動畫片形式講述童年故事:「我個故事都幾複雜,會講啲深入嘢,所以大家要睇2、3次先消化到。(點解唔以表演形式講故事?)其實當初係想以表演形式做短劇,但呢9個月發生好多事,又因為疫情,所以改做動畫,大家可以上網睇。」

問到可會考慮以表演形式做番?甄詠蓓就說:「有機會嘅,我都成日叫佢做舞台劇,同埋呢條片係講佢童年經歷、家庭同媽媽嘅感情,我睇到都好感動,佢自己嗰陣都激動。」詩詠亦謂此動畫是送給媽媽及自己的禮物:「以前我冇講過自己童年經歷畀人聽,所以都鼓勵大家可以講自己故事畀人聽,我童年唔開心,細個成日覺得自己被忽略,又唔識處理情緒問題,同埋爸爸媽媽分開,細個唔識處理,所以希望透過呢條片鼓勵大家Overcome(平伏心情),我自己都係做呢條片Overcome到。」她又坦言現時諗起都少少眼濕濕,覺得很感動,要在一個月內完成條片,感恩得到多人幫忙。

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言