台灣女星伊能靜與歌手庾澄慶（哈林）所生嘅兒子小哈利早前被網友發現易服照，除咗着上吊帶連身裙之外，更塗上指甲油、化全妝打扮成女生，大膽表現與眾不同嘅愛好。作為媽媽嘅伊能靜大力支持，鼓勵佢唔好因為其他人而改變自己，亦有唔少網友大讚小哈利嘅敢作敢為，不過爸爸庾澄慶嗰邊嘅親友就較為難接受，更曾掀起「家庭風暴」！
有台灣報道指，庾澄慶媽媽無法接受孫仔男扮女嘅嗜好，導致小哈利與爸爸家族嗰邊較疏離，故「投靠」媽媽伊能靜，就算伊能靜最近離台到內地參加選秀節目，小哈利亦被拍到返回伊能靜寓所，可見感情非常好。
東網網站 : https://on.cc/
東網Facebook專頁 : https://www.facebook.com/onccnews/
