由周迅主演嘅大陸古裝劇《如懿傳》2018年播出時大受追捧，當中嘅一啲畫面竟然被另一套由于正編劇、7月開播嘅《那江煙花那江雨》疑似盜用！
有網民追睇時，發現《那江煙花》第9集第19分鐘嘅畫面竟然同《如懿傳》一模一樣，無論拍攝角度、場景、人物穿着及姿勢等全都一致，唯一不同嘅係《那江煙花》將該場景放大咗！
劇方喺社交網發道歉聲明，承認出現《如懿傳》部分片段：「因該劇剪輯人員在後期製作中不慎加入《如懿傳》的相關素材而造成，我公司在審查成片的過程中亦未盡到審查核實義務。」並對導致《如懿傳》造成損害表示歉意，而有問題的畫面已經全數部刪除，保證該劇全部素材址不會再涉及《如懿傳》相關內容。
東網網站 : https://on.cc/
東網Facebook專頁 : https://www.facebook.com/onccnews/
