同舒淇留台避疫情兼度假 馮德倫食豬腳麵線賀46歲牛一

2016年，舒淇及馮德倫宣佈結婚，兩公婆各有各忙，大時大節或雙方生日先會貼吓合照放吓閃，咁恩愛唔一定要講出嚟，唔覺意滲出嚟先至甜死人。月初，林熙蕾喺IG貼出跟好友舒淇的合照，原來林熙蕾同舒淇及林心如約埋去宜蘭嘅民宿度假，同行嘅仲有三女嘅老公，星級夫妻檔齊齊去玩。從合照中可見舒淇托住頭，再貼住老公甜笑影相，少女味出晒嚟。因為疫情影響，陪老婆留台一段時間，8月9日生日嘅馮德倫順便在台過埋46歲牛一，生日餐唔係浪漫燭光晚餐，係唐餐，有蒸魚有瓜有菜仲有好緊要，台灣人傳統過生日必食嘅豬腳麵線，當然仲有生日蛋糕，蛋糕好有型，立體嘅，有個卡通馮德倫，仲有套鼓同埋一個寫上最帥導演嘅電影拍板，見到林熙蕾都有貼蛋糕相，應該有陪馮導過生日，生日快樂呀。