請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

交代單身令人放心!高海寧反而擔心鄧智偉

on.cc 東網

更新於 2020年06月06日12:52 • 發布於 2020年06月06日09:01 • on.cc 東網
高Ling終於開腔!
高Ling終於開腔!
承認情已逝。
承認情已逝。
高Ling晒獨照!
高Ling晒獨照!
佢晚上出席活動時,話交代單身係想令大家放心!
佢晚上出席活動時,話交代單身係想令大家放心!
高Ling反而更擔心鄧智偉!
高Ling反而更擔心鄧智偉!

無綫咪神高海寧(高Ling)與音樂才子鄧智偉拍拖多年,日前二人爆出早於去年1月已經分手,鄧智偉更自揭受到在夜總會結識的沈小姐滋擾,累及高Ling、家人與朋友!事後高Ling避談分手一事,只表示與鄧智偉一直係好朋友關係,而呢日佢就喺社交網上載一張黑白照,並留言直指情已逝:「從來感情事都是低調處理,而今天只想為早已逝去的輕輕畫上句點,對於感情,我是一個執著(着)的人,快樂的,留在心裏成為美好記憶,悲傷的,這是成長的養分,轉身是明白、是遺憾,駐足於美好,願各自安好。」

她晚上以一身牛仔裝打扮,出席電視城舉行的慈善活動時,被問及此事時表示:「心情OK!今日甫文係想簡單交代自己狀態,因為多朋友關心我,想畀佢哋放心,唔想有太多揣測,(你哋所講既分手時間有出入?)從來冇交代自己感情事,出嚟交代原因,只係想關心我既朋友放心,(甫文前通知前男友?)有溝通,我哋係朋友,佢發聲明都講得好清楚,因為涉及刑事,交咗畀警察處理,唔方便講太多,唔想影響我身邊人,想快啲平息!(騷擾到你身邊人?)都已交咗畀警方處理,唔想再圍繞住!(開始接受新戀情?)戀愛以外都仲有好多嘢,最近就忙拍劇,不過,情緒多少都有受影響,係擔心智偉情緒多啲,唔想件事再發酵,今日答完我唔再答,(鄧智偉心情點?)作為朋友,係任信同支持,希望佢好啦!(有冇同你交代件事?)其實由頭到尾都唔關我事,作為朋友只可畀到嘅,就係支持。」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0