藝人鄧麗欣(Stephy)早年被指似日本前AV女優吉澤明步,原來佢喺台灣都有個「失散姊妹」呀,佢就係「大胃王」網紅路路(路心倪)喇!
現年只有22歲嘅佢憑甜美樣子及驚人食量喺近年走紅,雖然經常挑戰各種大胃王比賽,暴飲暴食,但依然Fit爆,個子嬌小但上圍豐滿,令唔少絲打好羨慕!除咗最近挑戰食200隻生蠔外,之前更試過怒食100條蕉、4公斤乳豬、10公斤粟米、12人分量炸物小食等待,仲試過喺31分35秒食完95安士(2.69公斤)牛扒,堅係超誇張!不過上年佢做身體檢查時,就發現身體狀況頗差,甚至「胃坑洞像月球表面」,真係有苦自己知!
人前活潑可愛嘅佢,其實有個悲慘童年經歷,喺佢讀幼稚園時,就被大6歲嘅哥哥好友性侵長達一年,另外更有一對兄弟對佢伸出狼爪。最後佢喺小學3、4年級時,開始接觸性教育,但覺得「自己很髒」,一度萌生輕生念頭,但喺師長協助及鼓勵下,決定告上法庭,但因為已經忘記該對兄弟樣貌,所以最後只有哥哥朋友受到懲罰,不過佢就話:「其實我不怪任何人,我覺得他們可能還沒有長大,沒有想得太多!」佢講出嚟係想大家更了解性侵害嘅事情,多關心身邊人。
東網網站 : https://on.cc/
東網Facebook專頁 : https://www.facebook.com/onccnews/