現年49歲嘅古天樂愈撈愈掂，身家億億聲之餘，又搞娛樂公司，再做埋演藝人協會會長，「新一代娛樂大亨」仲唔係你？
有指古仔向來篤信風水命理，喺高人指點下，當年白雪雪嘅佢一曬燈，變成黑朱古力，星運就係咁提高添。事實上，古仔除咗皮膚黑，着衫都偏愛黑色，就連七人車、價值5,000萬嘅遊艇都係黑色，據知都同風水有關連。
鑑於新冠肺炎疫情打殘香港娛樂圈，有傳古仔唔想坐以待弊，經高人指點下，就喺佢間市值3億嘅獨立屋擺下「八公雞陣」，再加上其他風水擺設，實行「疫」來「雞」擋，求平安。
東網網站 : https://on.cc/
東網Facebook專頁 : https://www.facebook.com/onccnews/
