藝人張寶兒到電視城出席節目《姊妹淘》拜神，透露自己介紹化妝、整頭及高級品牌的產品。講到有指她取代李佳芯拍攝新劇《兒科醫生》（前名：兒童醫院），她坦言：「其實我3個月前已接咗呢個角色，一直都做緊準備，取唔取代我就唔知，不過佢好有經驗，我都唔可以同佢相提並論，不過感恩有呢個機會，自己拍劇機會唔多，多謝公司對我有信心畀呢個角色我，我會努力嘗試。」
但她亦坦言擔心自己力有不逮：「尋日Ben（男友袁偉豪）send message畀我，佢同紅姐（惠英紅）拍劇，紅姐鼓勵我，話個個演繹方法都唔同，要相信自己演得最好，好鼓勵到我。（乘機叫對方教路？）唔敢，鼓勵我已夠。（咁會唔會搵Ben教路？）如果有唔明都會請教佢，但唔只佢，都會問監製、導演同同劇演員。」她又謂飾演麻醉科醫生，與羅仲謙多對手戲，笑言之前讀過生物，背台詞應該沒有問題。她透露本月18號會開劇：「但未知我啲期，可能8月頭。（又要拍節目分配到時間？）盡量，但未知schedule。」
東網網站 : https://on.cc/
東網Facebook專頁 : https://www.facebook.com/onccnews/
