ViuTV《初度遊》節目找來3位素人進行他們的首次旅行，富有追看性。上集提到30歲的中學助教Tony，首次遊日並初次體驗入住青年旅館卻委屈爆喊，說慘過住劏房。而Tony於新一集節目透露爆喊失控原因。
撰文：AY｜圖片來源：ViuTV
初度遊｜30歲港男住青年旅館爆喊原因 因一場巨變缺乏安全感？
昨晚ViuTV《初度遊》播出最後一集，Tony於新一集透露早前爆喊失控原因。
Tony說：「以前真係好有安全感，老實講一場家中巨變，令我變得缺乏安全感，我會擔心前路唔知要點行。」他表示自己由於多年來因為需要照顧家庭而未能出外旅遊，「因為之前我爸爸離開咗，作為長子，我真係好唔捨得爸爸，但係我要照顧家庭，突然間家庭責任落喺我身上，我真係無辦法接受。」他續說：「有啲人20幾年都係一帆風順，我應該都係安安穩穩到3、40歲先會發生嘢，但估唔到咁快。20幾年前喺我腦囟未生埋時發生，我真係接受唔到巨變。就好似青年旅舍咁，我可以話係一種巨變，因為我用香港城市角度代入，老實講一場巨變令我無咩安全感。」
旅程結束，Tony回顧數天旅程指：「入住青年旅舍嗰晚，其實唔係佢哋唔好，就當係我唔識欣賞，反而我好喜歡到當地家庭做梳化客，覺得呢個地方令我有安全感。」
其後，Tony到奈良探望及餵飼小鹿，又到一個日本家庭當梳化客及學習製作章魚丸，經歷很多第一次。
Tony感慨指：「到咗一個陌生嘅地方旅行，同其他人無法用語言溝通嘅時候，真係要靠自己去獨立，其實好多事情都係環境逼成，我一定咁樣做，如果你叫我貿然自己去做一件事，我真係做唔到，我需要比較長嘅時間去適應，我有自知之明。」他續指：「但呢次旅程上，我發現自己嘅適應能力比我想像中大好多。我可以咁開懷、開心，都係其中一個原因。沒諗到自己嘅能力跟能量可以咁大。」
ViuTV《初度遊》節目找來3位素人進行他們的首次旅行，富有追看性。如節目中30歲的中學助教Tony，首次遊日本卻有不少失禮行為，如初體驗住青年旅館卻委屈爆喊，說慘過住劏房！成為近日網民討論熱話。
撰文：AY｜圖片來源：ViuTV
港男首次出遊日本 3大失禮行為
ViuTV的真人騷節目向來有口碑，如早前的《中佬唔易做》找來中年藝人試工轉行，及後由梁祖堯主持的《調教你男友》，亦贏得網民高度評價。最新ViuTV逢周日播出的真人騷《初度遊》，節目找來3位素人經歷人生第一次的旅行，而近日備受網民討論的是30歲的中學助教Tony。
失禮行為一：吐槽青年旅舍似香港劏房
Tony初到日本，攝製隊為Tony安排了一晚青年旅舍的住宿體驗。由於人生路不熟，由原定的10分鐘路程花了近30分鐘才抵達目的地。取得房間後，Tony發現房內只得一張床，竟流下男兒淚，更說道：「好似香港啲劏房咁，覺得自己好淒涼。為何跟之前所住的民宿不同呢？」感到委屈的Tony愈說愈激動：「我覺得自己很淒涼，第一次去旅行，周圍的人都很冷漠，人人都在睡覺。我很擔心自己的安全，真的不知會在此處遇到甚麼人。」
失禮行為二：不懂尊重女性
對鏡頭說要日本妹下跪
Tony在京都入鄉隨俗換上了和服並到處尋找日本女生合照，十分猴急。又向鏡頭說出「一陣要啲日本妹下跪」字句，惹來觀眾反感，斥責他不懂尊重女性。
失禮行為三：分不清現實與幻想的分別
Tony在節目強調自己經常在網上去旅行，以示不是對外國「毫不認識」。但他分不清現實與幻想的分別，如上一集他去到嵐山竹林小徑後，發現人山人海，表現不滿，並說：「我上網睇相係冇人㗎！而家咁我點感受竹林嘅寧靜？」
