歌手何雁詩自資製作第二首歌《絕望時請點播》，當然要瞓身為自己隻歌宣傳啦，日前她亮相無綫《勁歌金曲》錄影，她在社交平台上載在後台影的新相，她留言：「近排潮興踎喺度影相，令5呎2嘅我即刻高咗幾吋，今個星期開始《絕望時請點播》宣傳，你哋聽咗未呀？唔絕望都可以點播㗎，答冇嗰啲朋友仔直接去聽啦～唔需要留comment話冇㗎啦~ thank u」。踎低影會唔會搞到阿詩高咗幾吋就見仁見智，不過呢種影法明顯令到佢條腿長咗好多，而且呢個姿勢出現視覺錯覺睇落阿詩好似冇着褲咁，有網友搞笑叫佢着番條褲先啦，佢即秒回：「我有呀，估唔到條褲可以短過我對腳。」
東網網站 : https://on.cc/
東網Facebook專頁 : https://www.facebook.com/onccnews/
