星夢歌手伍富橋喺無綫熱播劇《殺手》入面,飾演陳豪嘅年青版。其實拍攝過程真係好辛苦,仲要付上人生第一次拍吊威吔場面,真係唔可以掉以輕心。佢喺社交網上載喺台灣取景拍攝嘅過程,見佢拍攝前都話好緊張,仲顯得一臉愁容。然後見佢喺一橦唐樓上面慢慢咁吊落地面,真係膽少啲都唔得,好在最後都順利完成,佢話:「緊張都正常嘅,就係咁樣吊左6-7次,真心辛苦晒威也組嘅同事,同埋武指嘅耐心指導。」
不過雖然辛苦,但有機會同一班咁專業嘅工作人員合作,都係開心事嚟嘅,見佢一大班人一齊食飯,終於展露出笑容,佢話:「殺手都要食飯,好掛住台灣嘅『素』便當。台灣好多素食呀。」
東網網站 : https://on.cc/
東網Facebook專頁 : https://www.facebook.com/onccnews/