森美仔仔真係14日都冇踏出過房門。
森美仔仔真係14日都冇踏出過房門。
森美大讚仔仔叻仔。
森美大讚仔仔叻仔。
森美到電視城錄影汪明荃的節目。
森美到電視城錄影汪明荃的節目。
森美今晚會全家食飯慶祝。
森美今晚會全家食飯慶祝。

藝人森美現身電視城開工,透露兒子早前從英國返港接受14天隔離,直至昨晚終完成,可以離開房間:「前後做咗三次測試都冇事,之後佢剪咗條手帶,呢14日完全冇出過房門,覺得佢好叻仔。」更指近期家人前後進行家居隔離,幸而眾人統統安全度過,故決定完成是日工作後,便返家與家人食飯慶祝。

對於電台DJ細So(蘇耀宗)日前被辭退,森美坦言對此感不捨:「佢好有才華,所以我唔擔心佢工作,大家合作咁多年,或者將來再邀請佢返嚟做嘉賓呢!(覺唔覺電台冇人情味,唔畀細So喺節目同聽眾道別?)呢啲問題我唔方便評論嘞!」

細So收好友慰問

另外,細So離開電台後,似乎好想念一班聽眾,尋日凌晨於社交網開live分享感受,佢透露收到唔少好友慰問,更以開玩笑形式承認有經濟壓力。而當中好耐冇傾偈嘅舊同學群組,亦因此事再次熱鬧起來,但其中一位同學一句:「唉,點解你咁㗎?咁大個人都唔改吓㗎?成世都係咁嘅!」令細So忍唔住笑出聲!事緣佢曾喺中學時期運動會上同阿Sir據理力爭,甚至激到阿Sir追住佢打,此事證明佢從未變過,堅持佢認為正確嘅事。

最後,佢自彈自唱,又話:「我慶幸咁多年我個人係冇變過,Nothing's gonna change my world,到今日我都冇改變過,係我呢兩日嘅小小分享同日常生活。」

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言