於2002年就加入亞視的伍偉樂，自從2016年亞視「熄機」之後，前年曾獲ViuTV邀請做世界盃節目主持人，但之後已經甚少見到他出現。直到近日伍偉樂就在Facebook貼出一張九巴職員證，原來昔日在幕前的他已經轉行揸巴士。
伍偉樂回應傳媒承認自己已是九巴司機，暫時駕駛11B巴士，隸屬九龍灣廠區。伍偉樂提到跟亞視完約加上撞正疫情，很多活動工作都大大減少，所以投考巴士司機，又指自己由02年開始加入亞視直到2016年「熄機」，感覺已經不想再做同一行，但就未有放棄幕前工作，如果有機會的話，不收酬勞都會參與。
已經是4個小朋友爸爸的伍偉樂直言在面對經濟負擔，每月最少開支3萬多，其實過去4年除了接司儀活動工作外，亦曾試過轉行做郵局、汽水販賣公司及運動舖等，不過就坦言好辛苦，因為由藝人轉去做其它行業完全由零做起，重新做人一樣，又感嘆曾經需要家人經濟支持，感到心酸。
