杜德偉因為太掛住個仔,所以用PS同囝囝啲相玩吓。
杜德偉唔只P圖仲剪埋片,將同囝囝玩嘅片配上情歌。
條片命為《當天我和AJ就是這樣玩咗成個下晝》。
杜德偉一家三口,囝囝同杜太超似樣。
杜德偉喺上海隔離期間喺酒店網上圍讀劇本。

7月1日,杜德偉(Alex)飛去上海拍攝《射鵰英雄傳之九陰白骨爪》,雖然要隔離14日,但好彩老婆一齊去,有人陪食陪讀劇本都冇咁悶,但上機嗰日已經話好掛住囝囝AJ嘅Alex唔太好受,就係每日都好掛住個仔,惟有不斷翻睇電話入面嘅AJ片止癮,但翻睇又翻睇唔係辦法,喺隔離第13日,佢做剪接師,剪咗一段director’s edit,段片名稱係《當天我和AJ就是這樣玩咗成個下晝》,完全感受到Alex嗰種掛念之情。到隔離最後一日,佢老婆爆Alex因為憶子成狂而愈玩愈癲,就係用photoshop將斧頭圖案Key落囝囝心口,惡搞囝囝變斧頭幫,杜太仲問,「星爺會唔會考慮吓有啲角色比AJ客串下」,其實都係啱啱完咗隔離,戲都未拍就搞成咁,之後點搞啊?

Comment 0

    最多留言