藝人楊秀惠近年經營美容生意成績理想，仲拍埋片同大家講吓創業心得，分享如何靠社交平台宣傳產品，又自爆喺短短4、5年內，網店營業額已超過1億港元！而近幾年投放於廣告嘅支出，更足夠喺香港Full pay買入全新三房住宅單位，可見其生意規模相當龐大。
佢續指有咗第一桶金後，就可以放心選擇自己想做嘅嘢，又以自己作為例子：「好似過去幾年我推咗幾個主角嘅角色，我選擇將TVB預支畀我嘅人工，一大筆錢咁還番畀TVB，其實只要我選擇繼續喺TVB做，就唔需要還，但我就揀咗做自己鍾意嘅嘢，所以將啲錢還畀TVB。」
東網網站 : https://on.cc/
東網Facebook專頁 : https://www.facebook.com/onccnews/
