前落選港姐Nicole憑於J2節目《3日2夜》大晒34E火辣身材,獲網民封為「新一代咪神」!
Nicole直言父親至今都唔太支持她做藝人。
Nicole幸有富貴男友Reeve支持,還不時化身「影迷」畀意見。
Nicole上月中認「封盤」,戀上現年28歲從事餐飲、金融及外國地產生意的Reeve(前左)。據悉,男方家族最近以3.3億出售持貨70年的旺角單幢物業,家境富裕,私下Reeve亦跟王灝兒及男友Tarzan相熟。
好耐冇出埠的Nicole盼能拍《3日2夜》,仲想去杜拜的跑車場體驗揸快車。
事業心重的Nicole自言冇乜底線,更不介意拍肉搏戲,大前題是三點不露。
Nicole表示會努力搵錢,繼續追演員夢。
Nicole早前跟36E陳婉衡在節目《3日2夜》中大鬥性感。
Nicole為劇集《法證先鋒IV》拍膠袋笠頭戲,仲扮死屍被解剖。
Nicole於劇集《解決師》扮演學生妹,好pure好true。
Nicole經營的榴槤甜品舖在港有3間分店。
2017年,Nicole與當屆港姐冠軍雷莊𠒇(左)。

2017年參選港姐時,胡美貽(Nicole)雖然大熱倒灶,但憑於J2節目《3日2夜》大晒34E火辣身材,獲網民封為「新一代咪神」!不過見阿女拋頭露面勁性感,在美從商的富爸爸似乎唔多Like,仲「咒」她早日破產執包袱返美國,但好勝的Nicole表示會努力搵錢,繼續追演員夢,更揚言:「我冇乜底線。(可拍牀戲?)唔係真嘅、有打底保護就得!」撰文:黎寶倫 攝影:李維隆 服裝:Gourami胡美貽4年前獲父親打本100萬做生意,然後她在馬來西亞買下30畝的榴槤地,並於香港開舖賣榴槤甜品。年僅26歲的 Nicole目前已有3間分店揸手,生意做得有聲有色,無奈年初爆發疫情致收入大減,加上幕前工作停足4、5個月,擔心到她經期亂晒!不過有富爸爸撐使乜怕?Nicole即謙稱並非「有錢女」,自己搣緊儲落的錢,又謂16歲在美國讀書時已半工讀,一切娛樂消遣都是使自己錢,她說:「基本生活要Maintain,奢侈品就梗係自己搵啦,無理由攤大手板問人攞。」
老竇睇死
提到3年前不理父親反對回港參選,Nicole無奈表示至今仍不獲對方支持入行,「以爸爸角度睇就唔想個女咁樣,佢有佢嘅擔心都正常,我只會話畀佢知我會安全同做自己開心嘅嘢。(有畀限期你發明星夢?)佢話『睇你幾時破產』,哈哈!(佢覺得)我冇錢就會返去搵佢,所以冇話幾耐,我都會努力搵錢。」記者笑指嫁入豪門便不怕破產,跟3億闊少Reeve拍拖大半年的Nicole稱未到談婚論嫁階段,又自言事業心重,先專注工作,「希望飲食生意同幕前工作可以平衡到,但重心一定會喺演藝方面,始終好多嘢要學,都想吸收多啲經驗,演戲係我嘅興趣。」事業心重
富家女Nicole亦唔係玩玩吓,好似早前為劇集《法證先鋒IV》拍膠袋笠頭戲,仲焗到面青,「每次接到任何角色,我唔會話一嚟想Show到咩畀人睇,但一定要過到自己嗰關,因為平時都鍾意睇戲,而家就有機會畀自己發揮。」有傳公司撤回「限奶令」,重新包裝《3日2夜》於明年再出擊,雖未收到通知,但Nicole好期待能參演,最想去杜拜,問男友可介意性感演出?她忍唔住笑:「男仔唔多唔少會呷醋,如果佢完全唔嬲你都驚啦,但要睇咩情況,會溝通嘅,《3日2夜》嗰啲就冇乜所謂,健康嘛。(佢有底線?)冇,但我平時出街(啲衫領)都着到頸位。(聽晒男友話?)一時時,我都有原則,自己好想做嘅嘢一定會堅持。」

Comment 0

    最多留言