靚湯和馬明今朝於IG瘋狂放閃!
靚湯一連貼出兩張「靚湯與唐老鴨Tee」系列的照片。
有網民「質問」馬明:「唐老鴨同女友跌落水救邊個?」他竟斗膽答鴨!
靚湯留言:「When I look into your eyes...」大家看到她眼裏的倒影是馬明嗎?
早前靚湯貼出氣球照,有網民在氣球上看到馬明倒影,好眼利!
馬明今晨都貼出新相,並謂閉關創作中,但……你仲沉迷緊IG喎 。
靚湯和馬明分別以獨角獸和小馬代表自己。

湯洛雯(靚湯)和馬國明(馬明)今朝一擘大眼又放閃喇!話說昨晚靚湯於IG貼出一張穿唐老鴨Tee的靚相,心水清的網民都知道馬明是唐老鴨Die-hard fans,仲瘋狂到直頭視它為家人看待!見到靚湯暗地裏放閃,一眾網民即刻起哄大讚Sweet爆,大家都估二人一齊拍拖出街,又問件衫係咪男友送?隔咗一晚,剛才靚湯就於IG再連出兩個Po,都係「靚湯與唐老鴨Tee」系列的照片,靚湯留言:「When I look into your eyes…」馬明都識做即Like兼留言,仲俾咗個眼望望加獨角獸的emoji,唔通呢張相就係傳說中的「男友視角」?嘗試放大張相睇,就睇唔清眼裏的倒影是否馬明嘞,不過網民們就紛紛表示喺靚湯眼裏看到愛喎!至於另一張相,靚湯就笑到見牙唔見眼,她留言:「Whats so funny?」馬明繼續指定動作即Like兼留言,認真捧場!不過,今次馬明就寫下一隻字:「鴨……」然後再加幾個笑到雙眼發光的emoji,好蠱惑,究竟他想表達啲咩呢?冇耐謎底由靚湯解開,她爆笑回覆:「其實鴨係識游水嘅……」原來馬明係回應緊昨日本報報道中嘅問題--靚湯同唐老鴨跌落水會救邊個先?有網民都幫手留言「質問」他點揀,事關當年馬明喺訪問中講過:「有機會為唐老鴨而放棄女友。」如今他的選擇居然係救鴨,返去等跪算盤喇!

Comment 0