「小三」朱朱及人夫黎振燁都變咗「雙失」,朱朱冇工開,唯有同後備情人謝東閔做運動。
喊晒求饒都冇用,雪櫃門依然為她而打開。
Brain唔怕畀人笑,仍喺記者會上挺女友。
Brain去做運動,冇工作嘅朱智賢死跟。
睇嚟朱智賢搭上黎振燁後,兩人齊齊沒有好結果。

朱智賢(Ashley)早前拍《食腦喪B》搭上同劇人夫黎振燁,就算喺男友謝東閔(Brain)陪同下,舉行記者會認錯,無奈形象插水直入雪櫃被停工,原先公司暫停她主持兩星期《東張西望》嚟過冷河,可是兩周後仍然冇復工動靜,繼續在冷藏中。據知被雪的朱智賢相當心急,也曾向高層了解,但冇人回覆,也沒有劇集及綜藝組監製敢用她。所知,TVB擔心Ashley「小三」形象令觀眾反感,勒令延長停工,直至洗到底為止。
直至昨日Brain與Ashley同一時間各自在ig story貼上到健身室做運動的照片,Brain與友人舉手瓜對鏡自拍;Ashley就自拍側臉,未有以真面目示人,估計二人是一同做運動。冇工開,朱朱唯有做運動為「復出」做好準備,最難得有後備情人Brain不離不棄!至於被封為嘅「賤男」黎振燁成公司棄將後,唯有重回大肚老婆身邊。

Comment 0