講到港產喜劇經典，又點可以唔提周星馳？今年58歲嘅「星爺」，喺80年出道，憑住獨有無厘頭風格，不單止喺無綫殺出血路，之後更於影壇發光發熱，成為一代喜劇泰斗。「星爺」有無數代表作，99年《喜劇之王》就係其中一齣。
大家對「星爺」嘅電影熟到爛，唔少「星迷」都可以背出當中對白；而「星爺」電影嘅其中一個特色，就係配角勁搶戲，「田雞」田啟文就係其中之一。佢同「星爺」曾經合作無間，而且亦有份製作《喜劇之王》，今集《繽FUN歲月》就帶大家坐上時光機、再次進入《喜劇之王》嘅世界，「田雞」仲會大爆《喜劇之王》嘅原本結局內容，大家一定要睇呀！
東網網站 : https://on.cc/
東網Facebook專頁 : https://www.facebook.com/onccnews/
