因應疫情加強防疫，7月15日0時0分生效，所有食肆由下午6時起至翌日朝早5時，期間不准堂食，只許外賣。而昨晚張兆輝趕及同家人喺跑馬地著名食店Amigo嘆法國菜，為愛女張卓姿慶祝16歲生日。輝哥喺FB上載圖文，深情留言：「我的寶貝珠Twiggy cheung happy 16th birthday, Love you forever，無法用言語表達我對你的愛❤願你健康快樂開心成長。」
相中見輝哥、輝嫂黑色情侶裝甜蜜現身，除咗壽星女，當然唔少得20歲大仔Edison，一家四口樂也融融，相當溫馨，超High輝哥除開紅酒慶祝外，又破戒食埋鎮店甜品芒果拿破崙蛋糕，仲攬鍚前世情人，現場還有戴住口罩嘅樂師伴奏，留下難忘晚上。
現年16歲嘅張卓姿長得亭亭玉立，遺傳咗輝哥兩公婆嘅正斗基因，驟眼睇有啲似年輕版李嘉欣，係索爆星二代。唔少網民祝壽星女生日快樂，學業進步，更大讚輝哥的留言好感動。
