每年候選港姐到參選期間，必定爆出意想不到嘅花生，今屆當然唔例外。當中喺網上面試囂爆講名車論「如果講Benz係名車，我都經常坐」嘅20歲賴琦媛，有網民爆料指佢經常埋內地富二代堆，社交網不時貼出與一眾女友人坐豪華遊艇出海及高級餐廳嘅相片，指佢由細到大貪慕虛榮。而面試當日以斯文look亮相，但原來私底下佢係一個wet妹，愛北上到深圳夜蒲溝內地富二代，黑歷史一籮籮！
有網民翻摷賴琦媛嘅舊照，指佢曾整容削骨變尖臉，成功變靚。而報稱讀大學建築系嘅佢，亦被爆非高學歷，中學就讀博愛醫院陳楷紀念中學，求學時已仇家多，又指多年前住將軍澳公屋，間期更忽然富貴，真係一地花生呀！
東網網站 : https://on.cc/
東網Facebook專頁 : https://www.facebook.com/onccnews/
