藝人吳鎮宇近日到內地工作並接受隔離，佢就靠做直播打發時間，唔知係咪真係悶得滯，繼上次佢扮晒鄭伊健、古天樂之後，今次到宣萱慘遭「毒手」！
有網友就Cap低吳鎮宇醜化宣萱嘅直播片，見佢讀到有網友想佢向8月生日嘅宣萱送祝福時，佢一嚟就露出一副嫌棄樣，跟住就忽然咪起個嘴扮哨牙笑，邊做邊笑指宣萱係咁樣笑，轉個頭仲用呢個樣唱《莫負青春》，真係畀佢激死！
面對自己被醜化，點知宣萱一啲都冇嬲，仲留言嗌兔謝：「謝謝你，鎮宇！你瘋了嗎？🤣🤣🤣🤣 Miss you!」睇嚟二人多年友誼真係珍珠都冇咁真，被醜化到咁都仲笑得出！
東網網站 : https://on.cc/
東網Facebook專頁 : https://www.facebook.com/onccnews/
