喺禁聚令下，大部份人都出現「抗疫肥」，但朱晨麗(朱朱)就愈嚟愈fit。最近朱晨麗(朱朱) 同馬德鐘、郭晉安等拍緊邵氏劇集《飛虎3壯志英雄》，冇見一排，突然瘦咗又靚咗，連個樣都好似同以前有啲唔同，圓口圓面唔見咗，𠵱家面口都尖晒，變身索爆女神。
昨日朱朱喺社交網上載靚相，分享自己的日常穿搭。寫道：「OOTD來了來了！夏天怎麼可以不露出小蠻腰？高腰短款上衣，猪猪女孩的夏日必備，也是减肥動力#我的經典ICON##朱晨麗」身穿白色低胸露腰裝配襯短褲及波鞋，束起頭髮嘅朱朱，好有少女味，相當省鏡，她撥弄住馬尾大擺甫士，大晒白滑長腿及小蠻腰，高挑身形非常養眼。唔少網民大讚小仙女女神好性感，羨慕她有條小蠻腰！身材好好…有人好奇追問她，呢輯相係咪由緋聞男友何廣沛操刀？另外，亦有網友奇怪朱朱唔見咗一排居然變咗樣，質疑她P圖過度。
