麥明詩指導江美儀彈琴,不過,大家卻將焦點落喺Louisa「脹卜卜」心口度。
《殺手》係Louisa喺TVB最後劇作。
昨晚嗰集麥明詩同黎耀祥父女相認,麥明詩激動得喊爆指責爸爸多年來不負責任,聲淚俱下。
麥明詩大有條件喺社交網派福利。

無綫熱播劇《殺手》每個角色都有得發揮,昨晚嗰集就講到飾演視障鋼琴老師嘅麥明詩(Louisa)同黎耀祥(閻武)終於父女相認,麥明詩激動得喊爆指責爸爸多年來掉下母女,一走了之,不負責任。麥明詩演技獲網民大讚有進步。
 
雖然呢套劇係Louisa喺TVB最後劇作,但她喺IG不斷post出劇照及拍攝花絮幫手宣傳,其中一條花絮片,麥明詩喺戲外指導教江美儀彈琴。麥明詩留言:「獎粒星畀我個乖學生,你哋識唔識彈呢首歌?」而江美儀則賣口乖:「多謝老師教導!」
 
片中見,考取八級鋼琴資格嘅麥明詩好快就教導到美儀成功彈兩句入門歌譜,美儀興奮得伸脷大笑說:「幾十歲學琴,你睇吓人哋…好犀利!」Louisa就謙虛說:「我都係彈呢首歌咋!」只不過,網民就錯哂重點,大家冇乜留意兩人琴技,反而將焦點落喺麥明詩33C嘅導彈身材上,因為着住白色小背心嘅Louisa心口「脹卜卜」,好「凸」出,大到連外套都包唔到個身彈開咗,網民留言同麥明詩講:「錯重點,你裏面嘅身材會唔會太勁?」唔通麥明詩再度發育?

Comment 0