學嘢喇喂!
學嘢喇喂!
甩晒落口罩,真係好煩惱!
甩晒落口罩,真係好煩惱!
一除口罩,就好尷尬!
一除口罩,就好尷尬!
首先畫眼線。
首先畫眼線。
根據膚色,要唔同眼影。
根據膚色,要唔同眼影。
記得加閃粉!
記得加閃粉!
之後再上睫毛液。
之後再上睫毛液。
效果出晒嚟!
效果出晒嚟!
再畫畫條眉,最緊要自然!
再畫畫條眉,最緊要自然!
上胭脂有貼士。
上胭脂有貼士。
就係先胭脂後上碎粉。
就係先胭脂後上碎粉。
咁就唔會甩得咁勁喇!
咁就唔會甩得咁勁喇!
打番個鼻影。
打番個鼻影。
畫埋個唇,掂晒!
畫埋個唇,掂晒!

全城抗疫,口罩一定要戴!但有啲女士返工,點都要化番啲妝,有時底妝印晒落口罩,食飯時一除口罩,見到個口罩黃晒,都幾尷尬,究竟有咩方法防止甩妝呢?吳若希喺《姊妹淘》教你化口罩妝!

首先係眼妝,呢個係重點,口罩遮晒成塊面,眼妝自然成重點!一開始畫番幼眼線,睇落精神啲,黑色眼線打底,再配啡色眼線,睇落比較細緻,皮膚比較白嘅女士,可以再畫上粉色眼影,輪廓突出啲,如果皮膚偏黃,就可以選擇啡色。之後下眼線位,畫番啲眼影,再做番漸變色眼仔即時大兩倍!

之後就可以加番少少閃粉做點綴,選擇閃粉粒子大細都有唔同學問!細粒啲啱輕妝,大粒啲呢,就啱煙薰妝,配合隆重嘅妝容,顏色反而唔係重點!之後眼尾位都要掃啲閃粉,咁樣眨眼時更迷人,Bling Bling!之後到上睫毛液,可以選擇加睫毛量,睫毛濃密咗,睇落更精神,眼妝就掂晒。

眉毛部分,就要工整啲,依據眉形自然畫上眉毛。如果天生「無眉娘」點算?就要跟番,黃金比例:鼻翼、眼角、眉連成一線,咁樣去畫喇!依家興歐美感重啲,唔再興一字眉,會彎啲有角度,面形都會靚啲,再以眉刷整鬆眉毛,睇落更自然。

跟住到胭脂部分,唔想口罩食晒粉底同胭脂,咁就要跟住呢個貼士!上碎粉前先上胭脂,趁住胭脂濕濕哋上碎粉,咁就更加貼粉同做到定妝效果,碎粉方面要揀透明色,唔好太深色。同埋控油就唔太建議,因為可能會阻塞毛孔,會搞到焗住出暗瘡。之後打番鼻影,成個立體晒!咁眼妝濃下妝淡,一除口罩咪好怪?所以個嘴都要化番少少,用鮮色唇釉上番啲色,咁就完美喇!

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言