今年38歲嘅余文樂（樂仔）早前喺社交網上載一張發福相，即被網民話秒變谷德超，顯現樂仔聽到網民意見有少少嬲嬲豬，相隔5日即刻上載一張尖面相，好似打咗「還原靚靚拳咁」！
不過男人同女人一樣，唔Keep都真係好易走樣，一向貪靚嘅樂仔都深明此道，近排佢就試用依家時下最大熱嘅168斷食減肥法，不過佢就遇到難題，佢喺社交網留言話：「我剛開始了3天168的訓練，簡單說就是一天只有在8個小時內吃東西，其他16個小時都不吃，但今天我碰到了一個問題，就是當我去健身時會完全沒力….不知道有沒有人碰到同樣的問題？」睇嚟樂仔今次真係好大決心去撇甩同谷德超撞樣嘅惡名喎。
東網網站 : https://on.cc/
東網Facebook專頁 : https://www.facebook.com/onccnews/
