【入廚Tips】蒸出超正肉餅有秘技(互聯網)
【入廚Tips】蒸出超正肉餅有秘技(互聯網)
蒸肉餅係香港家常料理,但唔係人人煮得到完美鬆化彈牙滋味肉餅。(互聯網)
蒸肉餅係香港家常料理,但唔係人人煮得到完美鬆化彈牙滋味肉餅。(互聯網)
肉餅比例建議6:4嘅肥瘦肉為黃金比例。(互聯網)
肉餅比例建議6:4嘅肥瘦肉為黃金比例。(互聯網)
想肉餅口感豐富,最好先以手切粒,再混合剁碎。(互聯網)
想肉餅口感豐富,最好先以手切粒,再混合剁碎。(互聯網)
攪拌肉與調味料時宜順一個方法攪至起膠,增加黏性之餘亦有助提升肉餅嘅彈牙口感。(互聯網)
攪拌肉與調味料時宜順一個方法攪至起膠,增加黏性之餘亦有助提升肉餅嘅彈牙口感。(互聯網)

提起蒸肉餅,大家應該食唔少,咁有無試過自己煮,又或煮起嚟又乾又鞋呢?唔緊要,只要跟住以下幾個Tips,巴絲打都可以蒸出完美肉餅!

Tips 1:注意黃金比例

所謂黃金比例,即係肥瘦比例,唔少大廚建議以6:4嘅肥肉比瘦肉混合最Perfect,最好先將肥肉及瘦肉以人手切成小粒狀再混合一齊剁,咁樣就可以保持肉餅嚼勁與口感,而且唔會食到成口油添!

Tips 2:記得先色後味

咩係色,唔使多講,就係可以為菜式添加色澤嘅調味料,一般係生抽及老抽,之後至落鹽、糖、麻油,最後係落清水及豆粉。

Tips 3:唔好厚此薄彼

落晒調味料之後當然要攪勻,記得要順一個方向,咁就更易攪出膠性黏性來,肉餅自然保持靚靚外形,唔係散晒仲夠晒彈牙!攪好嘅肉放入碟時,記得唔好一邊厚一邊薄,不要鋪得太厚兼要均勻。

Tips 4:要全程開大火

唔少大廚建議蒸肉餅要大火,水滾後可以直接落鑊,一般隔水蒸12至15分鐘左右(視乎肉餅大小與厚薄),千祈咪以為豬肉有咁熟得咁熟,過熟嘅話,肉餅會又硬又實,入口唔甘香鬆化架喇!

東網網站 : https://on.cc/

東網Facebook專頁 : https://www.facebook.com/onccnews/

Comment 0