一代賭王何鴻燊於今日下午病逝,享年98歲。賭王生前享盡榮華富貴,為人亦風趣幽默,多年來曾公開爆出多句令人印象深刻的金句,除了揶揄賭場事業對手外,亦曾出口暗串前女婿許晉亨。

 

2001年面對澳門賭權開放重發賭牌,賭王自信地:「最有經驗係我,邊個有本事淘汰我?我開賭場等於印銀紙咁,日日印銀紙,冇法子窮。」 

2008年賭場對手金沙宣佈裁員4千人,賭王:「金沙咁驕傲,驕者必敗,呢次乜嘢架都丟清。」

2000年女兒何超瓊公開跟英皇娛樂老闆楊受成的兒子楊其龍 (Gilbert) 拍拖,賭王表態對Gilbert不滿意:「若果係好質地,有商量,但Gilbert冇得傾。」 

女兒何超瓊於2008年傳想向前夫許晉亨借種,賭王:「我一滴都唔贊成!」 

前女婿許晉亨於2008年跟李嘉欣結婚,被問到想對想不想許晉亨以後不要再婚時賭王串爆回應:「唔知道佢呀,可能佢再結多十趟八趟都唔定。」

 擁有四個太太的賭王在80大壽當年風趣透露:「要學蛇蟲一樣秋收冬藏,秋天同太太分房。」

86歲大壽時因為要輪流跟幾房家人慶祝,出曬名房房都錫的賭王:「齊人之福唔易享,一到新年、生日,就走到氣咳,食到嘔凸,但都要照食!」 

 賭王早年親自交代便秘灌腸內傷病情,搞笑表示:「得咗全世界最邋遢嘅病。」

Comment 0

    最多留言