本周二係薛凱琪(Fiona)39歲生日，因為疫情關係，阿Fi過咗一個簡單嘅生日，先戴住口罩同爸爸切蛋糕，然後爸爸送咗一份好溫暖嘅禮物畀佢，媽媽就煮咗素菜餐畀佢食。
生日活動就係幫唔願出街嘅媽媽剪頭髮，其實阿Fi唔係第一次幫媽媽剪頭髮，今年3月，阿Fi已做緊髮型師，而佢阿媽就好識歎，打住機嚟剪頭髮。阿Fi提到，「有一天媽媽說：『妳記得妳小時候很多妳的衣服都是我織給妳嗎？』然後我就說：『但妳好久沒織給我了。』」然後壽星女今年就收到媽媽送贈嘅手織披肩，仲有花紋添。
最後阿Fi想帶出快樂其實很簡單，並多謝所有朋友，父母及粉絲嘅祝福。「但願我們一起成長，懂得珍惜簡單的生活❤️🌟。」
