TVB女星黃心穎自從上年做人「小三」偷嗒人夫許志安之後,形象及事業直插谷底,到今時今日都未有機會翻身。不過無工開的她似乎仍然過得好風光,繼續周身名牌之外,據知她於2017年以850萬買入的啟德天寰近日放租成日,所以仲有閒錢可用。
此外,同許志安一刀兩斷之後,黃心穎早前就被傳搭上樂隊RubberBand成員泥鯭,泥鯭原本有位拍拖多年、準備結婚的女友,不過最終分手收場,之後泥鯭就多次被目擊孖住黃心穎行寵物店,又陪女方帶愛犬睇獸醫。近日再有消息指泥鯭多次出入黃心穎所住的大廈,二人又孖住一齊行街市,似乎關係一點都不簡單。