今年4月，ViuTV玄學真人騷《點相》出街，除了有網民指皓云師傅哄亮爆咪的聲線「好嘈」外，最令人印象深刻可能是姜濤和Tiger做嘉賓那一集，主持之一的盤菜瑩子是姜濤的超級粉絲，兩人的互動比師傅預測的內容更精彩。相隔3個月，節目已經有第二輯，今次沒有姜濤做嘉賓，但盤菜瑩子仍然是主持之一：「好開心再喺ViuTV見到大家！我就快覺得自己係ViuTV嘅養女喇！上輯接拍《點相》嘅主要原因係因為佢哋話其中一集嘉賓係姜濤！今輯冇佢當然會有少少失望，但今輯有幾多靚女嘉賓，我決定逐個同佢哋影啲好親密嘅相，節目出街後就會放晒出嚟，羨慕死啲觀眾！」
《點相II破局》明天晚上9時首播。香港人每天面對大小不同的困局，「破局」顧名思義就是主持們──皓云師傅、盤菜瑩子、利君牙、小占及黃冠斌會針對不同的難關處境，以玄學角度逐一擊破。盤菜瑩子表示，今次和工作人員更熟絡，可以不留力互窒對方：「今輯除咗見返小占同皓雲師傅外，仲認識到我由細喺RTHK 聽到大嘅斌仔！由於已經同主持們熟悉啲，所以啲唇槍舌戰都冇再留口，我哋都冇留力咁互窒對方，甚至挑戰師傅！利君牙頭幾集畀腦細扣留咗去做舞台劇而唔可以參與拍攝，去到後半輯佢就會回歸，我就可以放下假，唔使畀三位男士窒到體無完膚喇！」
節目首集探討香港人最關心的住屋問題，更邀請到鄧健泓分享他的置業心得。鄧健泓笑言：「買樓投資係我最叻嘅決定」。他表示，幸好早於2010年就買下細屋，才得以近年買入較大單位。他又透露，當年拍攝古裝劇時，監製問他要求脫掉左眼邊突出的癦，因為以太監造型來說，那癦看來太時麾。皓云師傅聽後，表示鄧健泓應該多謝監製，因為癦的位置會影響他的理財運，脫癦雖無助正財事業運，卻有助其理財投資，鄧健泓也表示於脫癦後他就上車。鄧健泓亦感嘆，上車對香港人而言非開心事：「樓價一直升，而人工無咩升過，叫香港人點樣可以買到屬於自己嘅屋企？如果講香港係我地嘅家，每個香港人應該要有能力有自己嘅屋企，咁個家、咁個根嘅感覺先更強。」
在拍攝期間，鄧健泓與盤菜瑩子因為常有互動，而被其他主持人取笑，皓云師傅更笑言鄧健泓嘴角有癦，代表性情開放及性開放。鄧健泓聞言承認自己喜歡美麗的事物，例如太太石詠莉，但亦笑粒癦亦愈來愈細。
撰文：機
