30歲女神張曦雯有樣有身材有學識talk得睇得,又搏又貼地又鍾意打機,有邊個唔鍾意?有邊個唔恨咀佢先?偏偏同佢喺無綫新劇《飛虎之雷霆極戰》做一對嘅黃宗澤,講番喺劇中嘅一場難忘咀戲,不但唔想take two,仲爆張曦雯「好鹹」﹗

撰文:東方新地

黃宗澤咀張曦雯怕要重拍

黃宗澤同張曦雯喺《飛虎之雷霆極戰》中有不少咀戲。
深情濕吻原本好浪漫,卻被黃宗澤爆其實唔多好受﹗
黃宗澤在訪問中大談同張曦雯的難忘咀戲。

黃宗澤和吳卓羲最近為《飛虎之雷霆極戰》不停宣傳谷收視,日前接受無綫娛樂新聞台訪問,雖然Bosco演嘅角色汪國棟唔夠吳卓羲演嘅章Sir多艷福,不過同Bosco做CP嘅係女神級張曦雯(Kelly),之前仲雙雙去英國拍外景,這些機會……。Bosco喺訪問中被問到跟Kelly有連場咀戲,問到係咪好難忘,點知Bosco衝口而出:「好鹹㖭﹗愈拍愈鹹﹗」主持人立即追問,Bosco才解釋:「錫錫吓鹹鹹哋嘅,原來佢(Kelly)喊到流鼻涕﹗」主持人問冇叫暫停或者要求再拍?Bosco話惟有死撐下去,如果再拍又可能唔止鼻涕,可能會有一粒粒嘢出現,後果會更慘,Bosco笑笑口話:「依家先知佢原來好鹹嘅﹗」

劇情講黃宗澤回英國時,重遇舊同學張曦雯,火速撻著。
其後發現原來大家嘅身份都好特殊。
之後一齊返香港。
黃宗澤同張曦雯呢對CP幾有新鮮感。

黃宗澤笑馬明係鹹濕仔

Bosco唔止話張曦雯「好鹹」,仲爆舊拍檔馬明變得好鹹濕,Bosco、吳卓羲同馬明呢個組合對上一次合作已是十六年前,主持人問到覺得馬明有乜唔同,Bosco同吳卓羲竟異口同聲話:「鹹濕咗﹗」Bosco笑住話:「會講笑、搞氣氛、口花花、識撩女仔﹗」吳卓羲直指馬明重色輕友:「佢淨係想同苟芸慧合作啫,同我哋就得過且過囉﹗哈哈哈﹗」

十六年冇同馬明合作,吳卓羲和黃宗澤竟然異口同聲話馬明變到鹹濕咗﹗
吳卓羲補充話馬明會叫佢哋唔好阻住佢同其他女仔傾偈,又話馬明只顧同苟芸慧對戲,跟二人的交流可有可冇,不過當然係搞笑居多啦﹗

傷腳黃宗澤令對手要坐住對打

訪問中又提到黃宗澤拍劇時左腳受傷,要做手術休息十多天後立即歸隊,但因行動不便要坐輪椅,所以不但要坐住扮行路,更要坐住同所有對手對打,Bosco話:「好多謝劇組幫忙,仲有對手,為咗要就坐住輪椅嘅我,要坐住同我對打,而後面嘅人又要就番個高度要全程跪喺度,真係唔好意思﹗」

上半身上鏡打得咁有型,又點估到嗰時Bosco原來左腳受傷要坐輪椅。
除了同Bosco對打嘅吳卓羲要一齊坐輪椅,連其他出鏡演員都要全程跪低,就番Bosco的高度。
工作人員全程半跪扶住二人,比平時拍攝更辛苦﹗
黃宗澤拍攝《飛虎》時不慎受傷,左腳腳掌有兩個位骨折,要做手術鑲兩粒螺絲固定傷口,三哥苗僑偉等到醫院探望Bosco
劇內劇外都是好兄弟的吳卓羲都有去探Bosco,更為他推輪椅出外抖氣。

Comment 0

    最多留言